Qytaıda tabıǵı apat: sý tasqyny bes adamnyń ómirin qıdy

ASTANA. KAZINFORM — Qytaıdyń ońtústiginde taýly aımaqta sý tasqynynan bes adam qaza tapty, dep habarlaıdy Sınhýa.

Jeksenbi kúni Qytaıdyń ońtústigindegi Gýandýn provıntsııasyna qarasty Hoıdýn ýezindegi taýly aımaqta bes adamnyń sý tasqynyna aǵyp ketip, qaza tapqany resmı túrde rastaldy. Bul týraly jeksenbi kúni jergilikti bılik habarlady.

Juma kúni saǵat 20:22 shamasynda polıtsııaǵa Baımashan taýyna ekskýrsııaǵa shyqqan bes adamnyń sý tasqynyna ushyraǵany týraly habar túsken. Habar túse salysymen qutqarý operatsııasy dereý bastaldy.

Іzdestirý-qutqarý jumystary kúrdeli jer bederi, túngi ýaqytta nashar kóriný jáne sońǵy kúnderi tolastamaǵan jaýyn-shashyn saldarynan qıynǵa soqty.

Joǵalǵan bes adamnyń múrdesi jeksenbi kúni saǵat 14:15 shamasynda tabyldy.

Іzdestirý-qutqarý operatsııasyna jalpy sany 1300-den astam adam jumyldyryldy.

Buǵan deıin Qytaı astanasy Beıjiń qalasynyń ákimshiligi jaqynda bolǵan sý tasqynynan qaza tapqandar sany týraly málimetti jarııalady.