Qytaıda sýtegimen jumys isteıtin álemdegi alǵashqy pılotsyz ushaq synaqtan ótti

ASTANA. KAZINFORM — Hýnan provıntsııasynda QHR ózi ázirlegen megavatt klasty sýtegi qozǵaltqyshymen jumys isteıtin 7,5 tonnalyq AEP100 ushqyshsyz júk ushaǵynyń álemdegi alǵashqy ushýy ótti, dep habarlaıdy Xinhua. 

Jobany Aero Engine Corporation of China (AECC) korporatsııasy ázirledi. Kompanııanyń málimetinshe, 16 mınýttyq synaq shtattyq rejımde ótti. Kúsh qondyrǵysy ushýdyń barlyq kezeńinde turaqty jumys istedi.

Synaq kezinde júk drony 300 metr bıiktikte 36 shaqyrym qashyqtyqty júrip ótip, jyldamdyǵy saǵatyna 220 shaqyrymǵa jetti. Áýe kemesi manevr baǵdarlamasyn aıaqtaǵannan keıin aman-esen qondy. 

AECC synaqtyń sáttiligi Qytaıda sýtegi otynymen jumys isteıtin ushaq qozǵaltqyshtarynda tolyq tehnologııalyq tsıkldiń damyǵanyn rastaıtynyn atap ótti. Bul qadam avıatsııada sýtegi energııasyn ónerkásiptik qoldanýdyń negizin qalaıdy.

Sala mamandary jasyl sýteginiń quny tómendegen saıyn mundaı qozǵaltqyshtar tıimdilik pen energııa qaýipsizdigi turǵysynan básekege qabiletti bolady dep shamalap otyr. 

Aqpan aıynda Qytaıdyń gıbrıdti júk tasıtyn dron ushaǵy alǵash ret áýege kóterilgenin jazdyq.