Qytaıda sýdaǵy qutqarý jumystaryna arnalǵan órmekshi robot jasaldy
ASTANA. KAZINFORM – Qytaıdaǵy Shenchjen jasandy ıntellekt jáne qoǵamǵa arnalǵan robototehnıka ınstıtýty men AQSh-taǵy Stıvens tehnologııalyq ınstıtýtynyń zertteýshileri sýdaǵy qutqarý jumystaryna arnalǵan robot apparatyn jasady, dep habarlaıdy BELTA.
Qurylǵy syrtqy pishini jaǵynan órmekshige uqsaıdy. Onyń negizgi mindeti – sýda apatqa ushyraǵan adamdardy izdeý.
Ǵalymdar bul qurylǵyny uzyn aıaqtarynyń arqasynda dene salmaǵyn birkelki bólip, sýdyń betki kerilý kúshin paıdalanyp toǵandar, kólder, baıaý aǵatyn ózender jáne basqa da sý aıdyndarynyń betimen qozǵala alatyn órmekshi-ańshydan shabyt alyp jasaǵan.
Jańa robot ta tórt aıaqpen jabdyqtalǵan. Onyń qozǵalysyn robotty baǵyttap, sý betinde tepe-teńdigin saqtaıtyn algorıtmder basqarady.
Qurylǵy basseınde júrgizilgen birqatar synaqtan ótti. Ǵalymdar onyń josparlanǵan qozǵalystardy oryndaý, aldyn ala belgilengen baǵytpen júrý, sý betinde qalqyp júrgen nysandardy anyqtaý jáne olardy alyp shyǵý qabiletin baǵalady.
Synaq nátıjesinde robot joǵary manevrligin, qozǵalys dáldigin jáne jabyq ári ashyq keńistiktegi qutqarý jumystaryn tıimdi oryndaı alatynyn kórsetti.
Aıta keteıik, Qytaı adamtektes robot shyǵarýdan kósh bastap turǵanan jazdyq.
Al Astanada alǵash ret aerotaksı synaqtan ótti.
