Qytaıda sý tasqyny qaýpine baılanysty eskertýdiń «qyzyl» deńgeıi jarııalandy
ASTANA. KAZINFORM — Qytaıdyń birneshe óńirinde nóser jaýynnan bolatyn sý tasqyny men geologııalyq apat qaýpine baılanysty eń joǵary – «qyzyl» deńgeıdegi eskertý jarııalandy, dep habarlaıdy Sınhýa.
Qytaıdyń Sý resýrstary mınıstrligi men Eldiń meteorologııalyq basqarmasy senbi kúni saǵat 18:00-de birlesken eskertý jarııalady.
Boljam boıynsha, 11 shilde saǵat 20:00-den 12 shilde saǵat 20:00-ge deıin Beıjińniń shyǵys bóliginde, Tıantszın qalasynyń soltústiginde, Hebeı provıntsııasynyń soltústik-shyǵysynda, Іshki Mońǵolııa avtonomııalyq aýdanynyń shyǵysynda, Lıaonın provıntsııasynyń batysynda, Tszılın provıntsııasynyń soltústik-shyǵysynda, Heılýntszıan provıntsııasynyń ońtústiginde, Chjetszıan provıntsııasynyń ortalyǵy men ońtústiginde, Anhoı provıntsııasynyń ońtústiginde, Fýtszıan provıntsııasynyń soltústiginde, Tszıansı provıntsııasynyń soltústik-shyǵysynda jáne Sychýan provıntsııasynyń ortalyq bóliginde kenetten bolatyn sý tasqyny qaýpi joǵary bolyp tur.
Beıjińniń shyǵysyndaǵy, Hebeı provıntsııasynyń soltústik-shyǵysyndaǵy, Chjetszıan provıntsııasynyń ortalyq jáne ońtústik bóligindegi, sondaı-aq Anhoı provıntsııasynyń ońtústigindegi jekelegen aýdandarda nóserden bolatyn sý tasqyny qaýpi óte joǵary bolǵandyqtan, «qyzyl» deńgeıli eskertý engizildi.
Al basqa óńirlerde nóser jaýynnyń saldarynan sý tasqyny bolýy múmkin.
Sonymen qatar Qytaı bıligi geologııalyq apattar qaýpine baılanysty da «qyzyl» deńgeıdegi eskertý jarııalady.
Mamandardyń boljamynsha, geologııalyq apat qaýpi Beıjiń, Tıantszın, Іshki Mońǵolııa avtonomııalyq aýdany, Hebeı, Lıaonın, Tszılın, Heılýntszıan, Chjetszıan, Anhoı, Tszıansı, Fýtszıan, Sychýan, ıÝnnan, Shensı, Gansý provıntsııalary men Sıtszan avtonomııalyq aýdanynda saqtalady.
Qytaıdyń Sý resýrstary mınıstrligi men Eldiń meteorologııalyq basqarmasy barlyq deńgeıdegi jergilikti bılik organdaryn jáne jaýapty qyzmetterdi tótenshe jaǵdaılarǵa daıyndyqty kúsheıtip, aldyn alý sharalaryn qabyldaýǵa shaqyrdy.
Osyǵan deıin Beıjińde nóser jańbyr saldarynan 95 myńnan astam adam evakýatsııalanǵany týraly jazdyq.
