Qytaıda sportshylarymyz 2 altyn, 1 kúmis, 4 qola medal jeńip aldy
ASTANA. KAZINFORM – Qytaıdyń Makao qalasynda ýshýdan X Azııa chempıonaty máresine jetti. Atalǵan sary qurlyq dodasynda qazaqstandyq sportshylar 2 altyn, 1 kúmis, 4 qola medal jeńip aldy.
Naqtyraq aıtsaq, altyn júldeni Beksultan Qoskenov pen Ernur Dákibaı jeńip alsa, kúmis júldeger Kárim Imınjanov qol jetkizdi.
Al qola júldege Islam Imınov, ıÝltýz ıÝldasheva, Karına Ismaılova jáne Rasýl Turǵanjanov qol jetkizdi.
Esterińizge sala keteıik, osyǵan deıin Qytaıdyń Shenıan qalasynda ótip jatqan akademııalyq eskek esýden U19 ben U23 Azııa chempıonatynda qazaqstandyq sportshylar el qorjynyna 1 kúmis, 1 qola medal salǵanyn jazǵan bolatynbyz.
Sonymen qatar Qazaqstan quramasy dzıýdodan Zagrebte ótken gran-prı dodasynda 2 altyn, 1 kúmis júldege qol jetkizip, jalpy esepte Japonııadan (3 altyn, 1 qola) keıingi 2-orynǵa taban tiredi.
Altyndy erler arasynda Sherzod Davlatov (60 keli) pen Janarys Rahmetqalı (66 keli) jeńip alsa, kúmisti áıelder arasynda Ǵalııa Tynbaeva (48 keli) ıelendi.
