Qytaıda sırek kezdesetin jer elementteriniń iri ken orny tabyldy

ASTANA.KAZINFORM - Qytaıdyń Sychýan provıntsııasynda sırek kezdesetin jer elementteriniń iri ken orny tabyldy. Bul Qytaıdyń strategııalyq shıkizat naryǵyndaǵy álemdik pozıtsııasyn aıtarlyqtaı nyǵaıta alady, dep habarlaıdy Kazinform agenttiginiń Beıjińdegi tilshisi.

Qytaı Tabıǵı resýrstar mınıstrliginiń málimeti boıynsha, Mıannın ýeziniń Maonıýpın taýly aımaǵynda sırek kezdesetin jer oksıdteriniń rastalǵan qory 9,666 mıllıon tonnany quraıdy.

Negizgi ken oryndarynan basqa, ýchaskede ilespe mıneraldar, sonyń ishinde 27,135 mıllıon tonna flıýorıt jáne 37,228 mıllıon tonna barıt tabyldy. Bul resýrstardyń kólemi ken oryndaryn asa iri dep jikteýge múmkindik beredi.

Qytaı Geologııalyq ǵylymdar akademııasy Mıneraldy resýrstar ınstıtýtynyń dırektory Van Denhýn sırek kezdesetin jer metaldary «ónerkásipke arnalǵan dárýmender» dep atalatyn bolsa, flıýorıt pen barıt onyń negizi úshin óte mańyzdy. Bul resýrstar almastyrylmaıdy jáne naryqta únemi joǵary suranysqa ıe.

Flıýorıt aeroǵarysh, farmatsevtıka, elektronıka, mashına jasaý jáne ıadrolyq energetıka salalarynda keńinen qoldanylady. Barıt óz kezeginde munaı, gaz, hımııa jáne medıtsına salalaryna keńinen qajet.

Biz buǵan deıin Qytaıdyń tuzdy kólderden lıtıı alýda úlken jetistikke jetkenin habarlaǵan bolatynbyz.