Qytaıda sırek kezdesetin jabaıy janýarlar popýlıatsııasy qalpyna keltirilip jatyr
ASTANA. KAZINFORM — Qytaıda sırek kezdesetin jabaıy janýarlardyń sany turaqty túrde qalpyna keltirilip jatyr. Qazirgi tańda 200-den astam joıylyp bara jatqan janýar popýlıatsııasy qalpyna kelý fazasyna ótti, al 100-den astam joıylý qaýpi bar ósimdik túrleri shuǵyl qorǵaýǵa alyndy, dep habarlaıdy BelTA.
Qytaıdyń Orman jáne dala sharýashylyǵy memlekettik basqarmasy 25-shi Halyqaralyq bıologııalyq ártúrlilik kúnine oraı, qalpyna kelý jáne ósý úrdisin kórsetetin sırek jáne joıylyp bara jatqan túrlerdi atap ótti.
2025 jyly Haınan gıbbondarynan úsh jańa týǵan náreste tirkelip, bul túrdiń jalpy sany 44 danaǵa jetip, jeti topqa bólindi.
— Bul álemdegi birden-bir gıbbon popýlıatsııasy, ol úzdiksiz ósip otyr, — delingen habarlamada.
Soltústik-Shyǵys Qytaıdaǵy Jolbarys jáne barys ulttyq parkinde fototuzaq alǵash ret 5 kishkentaı jolbarysqa kútim jasap jatqan jabaıy amýr jolbarysyn tirkedi. Bul túrdiń kóbeıýi boıynsha jańa ulttyq rekord bolyp sanalady.
Basqarmanyń málimetinshe, Helan taýlarynda jabaıy tabıǵatqa qaıta jiberilgen eki qar barysy juptasyp, tólin tabıǵı ortada ósirdi.
1963 jyly tabylǵan Abies beshanzuensis qaraǵaıynyń sany qazir 3 ekzemplıardan 4 myńnan astam ósimdikke deıin ósti.
Orhıdeıa tuqymdas Paphiopedilum spicerianum ósimdiginiń sany 2003 jyly ıÝnnan provıntsııasy Pýer qalasynan tabylǵan 10 ekzemplıardan 200-den astamǵa jetti.
Basqarma sondaı-aq Qytaıdaǵy qustardy qorǵaý boıynsha eldiń kúsh-jigeri men jetistikterin erekshe atap kórsetti.
Málimet boıynsha Qytaıdaǵy qustardyń 94,5%-y ulttyq mańyzdy qorǵalatyn túrler tizimine jáne «Ekologııalyq, ǵylymı jáne áleýmettik mańyzdy jabaıy jer janýarlary» tizimine engizilgen.
Sondaı-aq, qustardyń mıgratsııalyq joldary boıyndaǵy 1 140 mańyzdy mekender anyqtalyp, 821 negizgi aımaq keshendi qorǵaý men qalpyna keltirý úshin tańdaldy.
Elde sońǵy 6 jyl boıy brakonerlik pen zańsyz ańshylyqqa qarsy arnaıy naýqandar uıymdastyrlyp otyr. Úkimet qustar resýrstaryna zııan keltiretin áreketterge qatań sharalar qoldanady.
Osy kúsh-jigerdiń arqasynda memleket qorǵaýynda turǵan qustardyń jalpy sany turaqty bolyp ǵana qoımaı, kóbeıip keledi.
Aıta keteıik, Eýroodaqtyń barlyq elinde úı janýarlaryn ustaý, ósirý jáne satý boıynsha biryńǵaı erejeler engiziledi.
