Silk Way Star ekinshi maýsymynyń premerasy Qytaıda ótti
ASTANA. KAZINFORM — Qytaıda Silk Way Star halyqaralyq mýzykalyq baıqaýynyń ekinshi maýsymynyń alǵashqy shyǵarylymy efırge shyqty. Baǵdarlama Qytaıdyń CCTV-3 (Variety Channel) jáne CCTV-15 (Music Channel) telearnalarynda, sondaı-aq CCTV.com jáne CCTV Arts tsıfrlyq platformalarynda kórsetildi.
Jobaǵa 12 elden — Qazaqstan, Qytaı, Qyrǵyzstan, Reseı, Vetnam, Malaızııa, Túrkııa, Serbııa, Ońtústik Afrıka Respýblıkasy, Jańa Zelandııa, Brazılııa jáne Grýzııadan ónerpazdar qatysty.
Qazaqstan atynan baıqaýǵa Rýhııa Baıdúkenova qatysyp, qazaqtyń halyq áni «Bulbuldy» oryndady. Ol Silk Way Star baıqaýynyń ekinshi maýsymyndaǵy alǵashqy týrdyń jeńimpazy atandy.
Halyqaralyq mýzykalyq jobany Qazaqstan Respýblıkasy Prezıdentiniń Teleradıokesheni China Media Group kompanııasymen birlesip júzege asyryp keledi. Baıqaý ártúrli elderdiń ónerpazdary men mýzykalyq dástúrlerin bir sahnada toǵystyrady.
Aıta keteıik, 2025 jyly ótken baıqaýdyń jeńimpazy Mońǵolııadan kelgen Mıshel Jozef boldy.
