Qytaıda sybaılas jemqorlyq úshin taǵy bir ólim jazasy taǵaıyndaldy
ASTANA. KAZINFORM – Tszıansý provıntsııasynyń soty China National Offshore Oil Corporation (CNOOC) bas dırektorynyń burynǵy orynbasary ıÝan Gýanıýdi eki jylǵa keıinge qaldyrýmen ólim jazasyna kesti. Ol iri kólemde para alǵany úshin kináli dep tanyldy, dep habarlaıdy China Daily.
Sıýıchjoý qalalyq aralyq sotynyń úkimi boıynsha, ıÝan Gýanıý ómir boıyna saıası quqyqtarynan aıyrylyp, barlyq jeke múlki tárkilenedi. Zańsyz jolmen tapqan tabysy men onymen baılanysty aktıvteri tárkilenip, memleket paıdasyna qaıtaryldy.
Tergeý 2001 jáne 2022 jyldar aralyǵynda ıÝannyń munaı korporatsııasyndaǵy qyzmettik jaǵdaıyn ártúrli jeke tulǵalar men uıymdarǵa kómektesý úshin paıdalanǵany anyqtaldy.
Máseleler merdigerlik jobalardy úlestirý, kommertsııalyq qyzmetke jáne kadrlardy taǵaıyndaýǵa qatysty boldy. Onyń ornyna burynǵy sheneýnik 152 mln ıýannan (22,5 mln dollar) astam para aldy.
Qytaıdyń zań tájirıbesinde eger sottalǵan adam eki jyldyq synaq merzimi ishinde basqa qylmys jasamasa shartty túrde ólim jazasy ádette ómir boıyna bas bostandyǵynan aıyrýmen aýystyrylady. Eger sottalǵan adam jaqsy minez-qulyq tanytsa, bul jaza keıinirek qysqartylýy múmkin.
67 jastaǵy ıÝan – Tıantszın qalasynyń týmasy. 2016 jyldyń tamyz aıynda ol Qytaıdyń eń iri teńiz munaı jáne gaz óndirýshisi CNOOC kompanııasy dırektorynyń bas orynbasary qyzmetine kiristi. Top-menedjer 2019 jyly zeınetke shyqty. Oǵan qarsy para aldy degen kúdik boıynsha tergeý 2025 jyldyń sońynda bastaldy.
Osyǵan deıin Qytaıdyń burynǵy Qorǵanys mınıstrleri ólim jazasyna kesildi.
Sondaı-aq Qytaıda $27,7 mln para alǵan eks-sheneýnik ólim jazasyna kesilgeni habarlandy.
