Qytaıda sheteldik taǵam óndirýshilerin tirkeý tártibi jańartyldy
ASTANA. KAZINFORM — Qytaı Bas keden basqarmasy habarlaǵandaı, bıylǵy jylǵy 1 maýsymnan bastap Qytaıǵa taǵam ónimderin eksporttaıtyn sheteldik óndirýshilerdi tirkeýdiń jańa erejeleri kúshine enedi, dep habarlaıdy Sınhýa.
Jańartylǵan erejelerge sáıkes, Qytaı Bas keden basqarmasy tirkeýdi qajet etetin ımporttalatyn taǵam ónimderiniń tizimin, tirkeýdi avtomatty túrde uzartýǵa jatpaıtyn ónimder tizimin jáne taǵam ónimderin saqtaıtyn sheteldik kásiporyndardyń tirkelýi tıis tizimin anyqtaıdy.
Bul sheshimder shıkizat kózderi, óndiris jáne óńdeý tehnologııalary, azyq-túlik qaýipsizdigi derekteri, maqsatty tutynýshylar toby men tutyný tásilderi, sondaı-aq halyqaralyq tájirıbe negizinde qabyldanady.
Tirkeý 5 jylǵa jaramdy bolady jáne erejeler saqtalǵan jaǵdaıda avtomatty túrde taǵy 5 jylǵa uzartylýy múmkin.
Buǵan deıin Qytaı halqynyń 95%-y bazalyq medıtsınalyq saqtandyrýmen qamtylǵanyn jazǵan bolatynbyz.