Qytaıda sheteldik issaparlar men resmı qabyldaýlarǵa bólinetin bıýdjet qysqarady

ASTANA. KAZINFORM – Qytaı úkimeti azamattardyń ál-aýqatyn jaqsartý úshin memlekettik shyǵyndardy qysqartyp, keıbir bıýdjet qarajatyn qaıta bóldi. Bul týraly juma kúni ótken baspasóz máslıhatynda Qytaıdyń qarjy mınıstri Lan Foan málim etti, dep habarlaıdy Kazinform agenttiginiń Beıjińdegi tilshisi.

Vedomstvo basshysynyń aıtýynsha, partııalyq jáne memlekettik organdarǵa «únemshillikke daǵdylaný» týraly nusqaýdy basshylyqqa ala otyryp, úkimet qatań únemdeý sharalaryn júzege asyrýdy kózdep otyr. 

– Biz memlekettik apparattyń ózin-ózi ustaýy arqyly qarapaıym halyqtyń baqýatty ómir súrýin qamtamasyz etý úshin árbir tıyndy eki ese qysqartamyz, - dedi ol.

2026 jyly ortalyq bıýdjettiń sheteldik issaparlarǵa, avtokólikterge jáne resmı qabyldaýlarǵa jumsalatyn shyǵystary 7%-dan astam qysqartyldy, al konferentsııalar men trenıngterge arnalǵan shyǵystar 10%-ǵa qysqardy. 

Aıta keteıik, odan bólek Qytaı 2026 jyly qorǵanys shyǵyndaryn 7%-ǵa arttyrýdy josparlap otyr.