Qytaıda sheneýnikter arasynda qymbat taǵamdar men alkogol ónimderin tutynýǵa tyıym salyndy
ASTANA. KAZINFORM – Qytaıda únemshildikti qatań saqtaýǵa shaqyrylyp, partııalyq jáne memlekettik mekemelerde ysyrapshyldyqpen kúres sharalary kúsheıtilip jatyr, dep habarlaıdy Kazinform agenttiginiń menshikti tilshisi.
Bul týraly QHR Memlekettik keńesiniń saıtynda jarııalanǵan qaýly mátininde aıtylǵan.
Qujatta sondaı-aq qabyldaýlarǵa, alkogol men temekige jumsalatyn shyǵyndarǵa qatysty nusqaýlar berilgen.
Atap aıtqanda, partııalyq jáne úkimettik organdar resmı qabyldaýlarǵa qoıylatyn ishki standarttardy qatań saqtap, shyǵyndy jalpy baqylaý júıesin engizýi tıis.
Jumys baby boıynsha jasalǵan dastarhanda, túski as kezinde saltanatty taǵamdar usynylmaýy, temeki men alkogol bolmaýy kerek.
Habarlamada eldiń barlyq óńiri men barlyq deńgeıdegi mekemesi ysyrapshyldyq — uıat, al únemdeý — qurmet sanalatyn atmosferany ornyqtyrýy tıis ekeni basa aıtylǵan.
Jańa erejeler 18 mamyrdan bastap kúshine endi.
Buǵan deıin Qytaıda jasandy jańbyr jaýdyrý boıynsha eksperıment júrgizilgeni týraly jazǵan edik.