Qytaıda salynyp jatqan kópirde trostar úzilip, 12 adam qaza tapty
ASTANA. KAZINFORM — Qytaıdyń soltústik-batysyndaǵy Tsınhaı provıntsııasynda salynyp jatqan kópir qurylysynda trostardyń úzilýi saldarynan 12 adam qaza taýyp, taǵy tórteýi iz-tússiz joǵalǵandar qatarynda, dep habarlaıdy Sınhýa.
Apat jumaǵa qaraǵan túni Tsınhaı aımaǵyndaǵy temirjol boıynda salynyp jatqan kópirde bolǵan. Trostar úzilip ketip, saldarynan uzyndyǵy 108 metr bolat negizgi qurylym qulady. Apat bolǵan sátte oqıǵa ornynda 16 jumysshy bolǵan.
Qutqarý jumystaryna 806 adam, 91 tehnıka, 27 qaıyq, 1 tikushaq jáne 5 robot jumyldyryldy. Alty jergilikti aýrýhana zardap shekkenderge shuǵyl medıtsınalyq kómek kórsetý úshin jasyl dáliz ashty.
Oqıǵa týraly habar túsken boıda QHR-dyń Tótenshe jaǵdaılardy basqarý mınıstrligi oqıǵa ornyna jumys tobyn jiberip, qutqarý operatsııasyna basshylyq etti.
🚨 Bridge Collapse – NW #China
— Eyes on the Globe (@eyes_globe) August 22, 2025
Cable snapped during Yellow River bridge construction (Qinghai)
4 workers dead, 12 missing
Part of Sichuan–Qinghai Railway project#qinghai #FairCity #KARMA pic.twitter.com/RKagjICePU
Mınıstrlik joǵalyp ketken jumysshylardyń ornyn múmkindiginshe tez anyqtaýǵa jáne tros úzilýinen keıin sýǵa qulaǵan adamdardy izdestirý men qutqarý úshin barlyq kúshti jumyldyrýǵa shaqyrdy.
Kópir bolat fermaly arka úlgisinde salynyp jatyr. Onyń negizgi ótkeli osy aıdyń sońyna deıin jabylady dep josparlanǵan edi.
Budan buryn habarlanǵandaı, Úndistannyń Gýdjarat shtatyndaǵy Vadodara aýdanynda kópirdiń bir bóligi opyrylyp, 9 adam qaza taýyp, birneshe kólik ózenge qulady.