Qytaıda robottarǵa «tólqujat» berile bastady
ASTANA.KAZINFORM - Bul bastama «bir robot — bir kod» qaǵıdatyna negizdelgen. Joba robotty paıdalaný kezeńderiniń barlyǵyn tolyq baqylaýǵa jáne jaýapkershilikti naqty bólýge múmkindik beredi.
Júıede qoldanylatyn ID-aýtentıfıkatsııa robottyń búkil ómirlik tsıkline arnalǵan biregeı nómir bolyp sanalady. Ol azamattardyń jeke sáıkestendirý nómirine uqsas.
Identıfıkatsııalyq kod tórt deńgeıli tekserý qurylymynan turady. Onyń ishinde memleket kody, óndirýshi kásiporynnyń deregi, ónim modeli jáne qurylǵynyń jeke serııalyq nómiri bar.
Tsıfrlyq ID arqyly robottyń tehnıkalyq qyzmet kórsetý tarıhyn, jumys jýrnaldaryn jáne aqaýlar týraly málimetterdi jedel kórýge bolady. Bul júıe aqaýdyń naqty sebebin anyqtaýǵa jáne jaýapty tarapty belgileýge kómektesedi.
Sonymen qatar jańa júıe robottardy kásiporyndar arasynda qaıta tekserýsiz tasymaldaýdy jeńildetip, tehnıkany paıdalanýǵa berý ýaqytyn qysqartady.
Osyǵan deıin Qytaıda jol qozǵalysyn retteıtin robottar paıda bolǵany týraly jazdyq.
https://kaz.inform.kz/news/kitayda-zhol-kozgalisin-retteytn-robottar-payda-boldi-757b1139
