Qytaıda robottar gala-kontsert ótkizdi
ASTANA. KAZINFORM – Shanhaılyq AgiBot antropomorfty júıelerin ázirleýshi kompanııa kóktem merekesi qarsańynda aýqymdy gala-kontsert uıymdastyryp, robototehnıkany kreatıvti ındýstrııaǵa ıntegratsııalaý múmkindigin kórsetti, dep habarlaıdy China Daily.
Keshki sharaǵa 200-den astam gýmanoıd robot qatysyp, kúrdeli horeografııalyq baǵdarlamany oryndady. Qoıylym aıasynda sınhrondy bıler men jekpe-jek óneriniń elementteri ǵana emes, komedııalyq sahnalar men ıllıýzııalyq nómirler de usynyldy.
Kontserttiń sátti ótýi antropomorfty tehnologııalardy qoldaný aýqymynyń keńeıip kele jatqanyn kórsetedi. Buǵan deıin ázirleýshilerdiń negizgi nazary ónerkásip sektory men óndiristik protsesterdi avtomattandyrýǵa baǵyttalsa, endi sala jappaı oıyn-saýyq jáne mádenı jobalar baǵytynda damýǵa daıyn ekenin baıqatyp otyr.
Shanhaılyq AgiBot kompanııasy iri teatrlardan, kontsert zaldarynan jáne ǵylymı-tehnıkalyq mýzeılerden yntymaqtastyq jóninde usynystar alǵanyn málimdedi. Olar kesh baǵdarlamasyn turaqty túrde kórsetý úshin tolyq quqyqty satyp alýǵa daıyn ekenin bildirgen.
Buǵan deıin Qytaı álemdegi eń jyldam adamǵa uqsas robotty tanystyrǵany habarlanǵan bolatyn.
🥋 Robots showing off various kinds of Chinese Kungfu
— AGIBOT (@AGIBOTofficial) February 8, 2026
Witness the future of martial arts: robots master classic Chinese Kung Fu, including stunning Drunken Fist and breathtaking fire staff performances.
Precise, powerful, and perfectly choreographed — this is not just a show,… pic.twitter.com/D9AHSXVLs6