Qytaıda robot shaı jınaýdy úırendi
ASTANA. KAZINFORM – Hanchjoýda ótken 8-shi Qytaı halyqaralyq shaı kórmesinde robot áıgili Lýntszın shaıynyń japyraqtaryn jınaý sheberligin kórsetti, dep habarlaıdy Sınhýa aqparat agenttigi.
Kórme barysynda adam tárizdes robot jaqyn mańdaǵy shaı baǵyna baryp, shaı japyraqtaryn joǵary dáldikpen jınaýdy úırendi. Kórsetilim zamanaýı tehnologııany dástúrli salalarda, sonyń ishinde shaı óndirisinde qalaı qoldanýǵa bolatynyn kórsetti.
Lýntszın shaıy Qytaıdaǵy eń tanymal kók shaılardyń biri sanalady.
Qytaı robototehnıkany belsendi túrde damytyp, aqyldy robottardy kólik, ónerkásip, qyzmet kórsetý jáne qalalyq ınfraqurylymǵa engizip jatyr. El robototehnıkany ekonomıkalyq jáne tehnologııalyq damýdyń negizgi baǵyttarynyń biri retinde qarastyra otyryp avtomattandyrý men jasandy ıntellekt tehnologııalaryna basymdyq berip otyr.
Mamyr aıynyń basynan bastap Shyǵys Qytaıdaǵy Chjetszıan provıntsııasyna qarasty Hanchjoý qalasynda jol qozǵalysyn basqarýǵa arnalǵan ıntellektýaldy robottar jumys isteı bastady.
Osyǵan deıin Qytaıda robottarǵa «tólqujat» berile bastaǵanyn jazdyq.
Sondaı-aq astanalyq mektep oqýshylary qarttar men dárigerlerge kómektesetin JI-robottar oılap tapqanyn habarladyq.
