Qytaıda «Robokop» qyzmetke kiristi
ASTANA.KAZINFORM - Qytaıdyń shyǵysyndaǵy Chjetszıan provıntsııasynda jasandy ıntellekt tehnologııasymen jabdyqtalǵan Hansın-1 polıtsııa roboty jumys isteı bastady, dep habarlaıdy Hanchjoý úkimetiniń portaly.
Robot 1 jeltoqsanda Hanchjoýdyń Bıntszıan aýdanyndaǵy qıylysta jumys isteı bastady. Ol jol polıtsııasynyń standartty qımyldaryn oryndaıdy jáne jol qozǵalysy erejelerin buzǵan júrgizýshiler men jaıaý júrginshilerge eskertý jasaý úshin daýystyq habarlamalar paıdalanady.
Jol polıtsııasynyń ókili Chjan Vanchje Hansın-1 qozǵalystary naqty jol polıtsııasynyń qımyldaryna negizdelgenin jáne jasandy ıntellekt modeli naqty jol jaǵdaıynda oqytý arqyly birtindep jetildirilip jatqanyn túsindirdi.
Robot júıesi baǵdarshamdarǵa qosylǵan jáne baǵdarshamnyń ózgerýine baılanysty jumys rejımin ózgerte alady. Kompıýterlik kórý modýli oǵan velosıpedshilerdi qosa alǵanda, motorsyz kólik júrgizýshileriniń zańbuzýshylyqtaryn anyqtaýǵa múmkindik beredi.
Qurylǵy batareıasynyń qyzmet etý merzimi áli jarııalanǵan joq. Sonymen qatar, Qytaıdyń ıÝnnan provıntsııasy sııaqty basqa aımaqtarynda qoldanylatyn uqsas polıtsııa robottary ádette bir ret qýattalǵan soń alty-segiz saǵat jumys isteıdi.
Bolashaq nusqalary operatsııalyq stsenarıılerge beıimdelip, halyqqa yńǵaılyraq qyzmetterdi usynady.
Buǵan deıin qytaılyq robot rekord jańartyp, 106 shaqyrymdy toqtaýsyz júrip ótkenin habarlaǵan edik.