Qytaıda poıyz jumysshylardy qaǵyp ketip, 11 adam mert boldy

ASTANA. KAZINFORM – Qytaıdyń Kýnmın qalasyndaǵy temirjol stantsııalarynyń birinde poıyz qurylysshylardy qaǵyp ketip, saldarynan 11 adam kóz jumdy, dep habarlaıdy Sınhýa agenttigi.

Agenttiktiń jazýynsha, 27 qarashaǵa qaraǵan túnde seısmıkalyq aspaptardy tekserýge arnalǵan 55537 nómirli eksperımenttik poıyz ıÝnnan provıntsııasynyń Kýnmın qalasynyń Loıańchjen stantsııasynyń aýmaǵynan qalypty jyldamdyqpen ótip bara jatyp, temir jol boıynda qurylys-montaj jumystaryn júrgizip jatqan qyzmetkerlerdi qaǵyp ketken. Saldarynan 11 adam kóz jumyp, 2 adam jaraqat aldy.

- Oqys oqıǵadan keıin temirjol ákimshiligi tótenshe jaǵdaıǵa jaýap berý josparyn iske qosyp, jergilikti bılikpen birge jaralylardy qutqarý jáne zardap shekkenderge kómektesý jumystaryn uıymdastyrdy. Qazirgi ýaqytta stantsııadaǵy poıyz qozǵalysy qalpyna keltirildi. Jaralanǵandarǵa medıtsınalyq kómek kórsetý jáne apat saldaryn joıý jumystary júıeli túrde júrgizilip jatyr. Apattyń naqty sebebi anyqtalyp jatyr, - dep jazady Sınhýa.

Buǵan deıin Gonkongtyń Taı Po aýdanyndaǵy «Van Fýk Kort» turǵyn úı keshenindegi órtte mert bolǵandardyń sany 44-ke jetkenin habarlaǵan edik.