Qytaıda «Polıetılen» jobasy boıynsha úshjaqty kezdesý ótti
«QazMunaıGaz» UK AQ Basqarma Tóraǵasy Maǵzum Myrzaǵalıev Qytaıǵa jumys sapary barysynda qytaılyq Sinopec munaı-hımııa korporatsııasynyń prezıdenti ıÝı Baotsaımen kezdesti. Kezdesýge sondaı-aq SIBÝR basshylyǵy qatysty.
Taraptar aýqymdy «Polıetılen» jobasyn iske asyrýdyń mártebesin, onyń ishinde Sinopec korporatsııasynyń jobaǵa zańdy túrde kirý rásimderin aıaqtaýdy talqylady. 2024 jyl jobanyń damýynda sheshýshi ról atqaratynyn aıta ketý kerek. Óıtkeni dál osy jyly joba boıynsha túpkilikti ınvestıtsııalyq sheshim (FID) qabyldanady dep kútilýde.
Búgingi tańda joba belsendi jobalaý satysynda (EBD/FEED). «Polıetılen» jobasy Qarabatan arnaıy ekonomıkalyq aımaǵynda Teńiz ken ornyna jaqyn ornalasqan jerde qýaty jylyna 1,25 mln tonna polıetılen óndiretin zaýyt salýdy kózdeıdi.
