Qytaıda ótip jatqan Azııa oıyndarynda tóreshiniń aıaǵyna balǵa qulady
Aıaǵyna balǵa túsken Azııa oıyndary tóreshisiniń jaǵdaıy birqalypty, dep habarlaıdy QazAqparat agenttigi The Guardian basylymyna silteme jasap.
Hanchjoýdaǵy Azııa oıyndarynda Kýveıt sportshysy Alı Zankavı balǵa laqtyrý boıynsha jarystyń fınalynda óner kórsetti. Biraq balǵa belgilengen baǵytynan taıqyp, tehnıkalyq referıdiń aıaǵyna túsken. Tehnıkalyq qyzmetker temir tordyń artynda otyrady, soǵan qaramastan onyń aıaǵyna salmaǵy 7,26 keli temir balǵa tústi. Tor balǵanyń ushý qarqynyn tejegenimen, ony toqtata almaıdy.
Alı Zankavı zardap shekken tóreshige júgirip baryp, jarasyn tańyp, qan aǵýyn toqtatty. Keıinirek medıtsına qyzmetkerleri ony aýrýhanaǵa jetkizip, oń jaqtaǵy asyqty jilik synǵan degen dıagnoz qoıdy.
Osy oqıǵadan keıin áleýmettik jeli qoldanýshylary referı men basqa da tehnıkalyq qyzmetkerlerdiń qaýipsizdigin qamtamasyz etýdi talap etti.
Jarys qorytyndysy boıynsha, Alı Zenkavı 8-oryn ıelenip, maýsymdaǵy óziniń úzdik nátıjesin kórsetti – 67,57 m.
How painful it is. 😖😖
— Qins (@HuangheHangshan) October 1, 2023
On Sep 30th, an accident occurred during the men's hammer throw competition at the Hangzhou #AsianGames. A Kuwaiti player made a mistake while throwing the hammer, which hit a referee's leg. The referee was subsequently rushed to the hospital. pic.twitter.com/N2vd8oN3Vt
