Qytaıda ótken Azııa chempıonatynda Qazaqstan quramasy 2 altyn medal ıelendi
ASTANA. KAZINFORM — Qazaqstannyń trıatlon quramasy Qytaıdyń Sıýıchjoý qalasynda ótken Azııa chempıonatynda eki júlde ıelendi. Bul týraly UOK baspasóz qyzmeti jazdy.
Eki medal de altyn boldy. Jeńis tuǵyrynan Ramazan Aınegov pen ıAsmına Býzýrtanova kórindi.
Aınegov 17 jasqa deıingi sanatta eń úzdik nátıje kórsetip, «sýpersprınt» qashyqtyǵyn 00:25:49 ýaqytpen aıaqtady.
15 jasqa deıingi sportshylar arasynda ótken jarysta Býzýrtanova qashyqtyqty 00:30:56 ýaqytta eńserip, chempıon atandy.
Erteń, 14 maýsym kúni estafetalyq jarystarda medaldar sarapqa salynady.
Aıta keteıik, bıyl naýryz aıynda Qazaqstannyń trıatlon quramasy jasóspirimder arasyndaǵy Azııa chempıonatynda da altyn medal jeńip alǵan bolatyn.
Aıta keteıik, Petropavlda trıatlon jáne dýatlon boıynsha el chempıonaty ótti.
