Qytaıda oqýshylardyń úı tapsyrmasyn JI tekserip jatyr
ASTANA. KAZINFORM — QHR Syrtqy ister mınıstrliginiń ókili Mao Nın X áleýmettik jelisindegi paraqshasynda Qytaıdaǵy bilim berý protsesterine jasandy ıntellekt (JI) tehnologııalaryn engizilýin kórsetetin beınerolık jarııalady, dep habarlaıdy Kazinform menshikti tilshisi.
— Qytaı mektepterinde bilimdi baǵalaý úshin jasandy ıntellekt tehnologııalary engizilip jatyr. Bul oqýshylarǵa dál nátıjelerdi jedel usynýǵa jáne pedagogıkalyq quramnyń jumys júktemesin ońtaılandyrýǵa múmkindik berip otyr, — dep jazdy ol.
Chinese schools are adopting AI-powered grading to deliver fast, precise feedback for students and lighten teachers’ workload. pic.twitter.com/8gnqqYvKWr
— Mao Ning 毛宁 (@SpoxCHN_MaoNing) January 24, 2026
Avtomattandyrý protsesi jazbasha tapsyrmalardy skanerleýdi jáne olardy ıntellektýaldy júıe arqyly lezde taldaýdy qamtıdy. JI múmkindikteri muǵalimniń tikeleı aralasýynsyz jyldam keri baılanys berip, qoljazba esepterdiń sheshimderin dál túsindirýge múmkindik beredi.
Beınerolık X áleýmettik jelisinde jáne qytaılyq Weibo mıkroblogtar qyzmetinde keńinen tarady.
Buǵan deıin Qytaıda JI arqyly basqarylatyn alǵashqy meıramhana ashylǵanyn jazǵan edik.