Qytaıda nóser jaýyn saldarynan 36 myń adam evakýatsııalandy
ASTANA.KAZINFORM - Qytaıdyń ońtústigindegi Gýandýn provıntsııasynda nóser jaýyn men sý tasqyny qaýpine baılanysty 36 myńnan astam turǵyn evakýatsııalandy.
Qytaı ortalyq telearnasynyń habarlaýynsha, 12 maýsymda bastalǵan nóser jaýynnan keıin aımaqta tótenshe jaǵdaılarǵa qarsy sharalar qabyldandy.
Gýandýn provıntsııasynyń sý tasqyny men qurǵaqshylyqqa qarsy kúres jónindegi arnaıy tobynyń málimetinshe, 16 maýsymdaǵy jaǵdaı boıynsha sý tasqyny qaýpi bar aımaqtardan 36 127 adam evakýatsııalanǵan.
— Provıntsııada 12 myńnan astam qyzmetker men shamamen 3500 iri ınjenerlik qutqarý jabdyqtarynan turatyn 260 ınjenerlik qutqarý toby ornalastyryldy. Sonymen qatar, provıntsııa áýeden qutqarý operatsııalaryna segiz tikushaq jiberdi, delingen málimdemede.
15 maýsymda Qytaıdyń Ulttyq meteorologııalyq ortalyǵy aımaqta qatty jańbyr jaýý qaýpiniń jalǵasýyna baılanysty «sary» dabyl belgisin jarııalady.
Qytaıdyń ońtústigindegi jaz nóser jaýynmen, taıfýndarmen jáne sý tasqyny qaýpimen qatar júredi.
Eldegi tabıǵı apattardan keltirilgen tikeleı zalal 2025 jylǵa qaraı 241,61 mıllıard ıýanǵa (35 mıllıard dollardan astam) jetti dep esepteledi.
Buǵan deıin AQSh-ta 88 mln-nan asa adam sý tasqynynan zardap shegýi múmkin ekeni eskertilgen edi.
