Qytaıda nóser jaýyn men qumdy daýyl soǵady

BEIJІŃ. KAZINFORM — Qytaı eldiń kóp bóliginde jaýyn-shashynǵa baılanysty eskertý jarııalady. Bul týraly Qytaıdyń Ulttyq meteorologııalyq ortalyǵy (NMC) habarlady.

Vedomstvonyń aıtýynsha, jeksenbi kúni Hebeı, Henan, Anhoı, Tszıansý, Tszıansı, Chjetszıan jáne Gýıchjoý provıntsııalarynyń keı jerlerinde kún kúrkirep, ekpindi jel soǵyp, burshaq jaýady.

«Іshki Mońǵolııa avtonomııalyq aýdanynyń keıbir aýdandarynda jáne Hebeı, Shandýn, Tszıansý, Hýbeı, Tszıansı, Chjetszıan jáne Fýtszıan provıntsııalarynda maksımaldy jaýyn-shashyn mólsheri saǵatyna 20-dan 40 mm-ge deıin bolady», - delingen habarlamada.

Ulttyq meteo-ortalyq sonymen qatar Soltústik Qytaıdyń keıbir bólikterindegi qumdy daýylǵa baılanysty kók deńgeıli eskertý merzimin uzartty.

Esterińizge sala keteıik, Qytaıda aýyr konvektıvtik jaǵdaılar boıynsha úsh deńgeıli eskertý júıesi bar, qaýiptiliktiń eń joǵary deńgeıi qyzǵylt sary túspen, odan keıin sary jáne kók túspen belgilengen.