Qytaıda nóser saldarynan 6 adam kóz jumyp, 10 adam iz-túzsiz ketti
ASTANA. KAZINFORM — Ortalyq Qytaıda nóser jaýyn saldarynan qaza tapqandar sany 6 adamǵa jetip, 10 adam iz-túzsiz joǵaldy, dep habarlaıdy Sınhýa.
Beısenbi kúni tańǵy saǵat 08:00-degi málimet boıynsha, Qytaıdyń Hýnan provıntsııasyndaǵy Shımen ýezinde tolassyz jaýǵan nóser saldarynan 6 adam qaza taýyp, taǵy 10 adam iz-túzsiz joǵalyp ketken. Bul týraly jergilikti bılik habarlady.
Atalǵan óńirde bıylǵy alǵashqy qatty jaýyn jeksenbi kúni tańǵy saǵat 07:00-de bastalǵan. Tabıǵı apat saldarynan jalpy sany 23 eldi meken zardap shekken. Bul jóninde Shımen ýezi ákimshilik turǵyda baǵynatyn Chande qalasynyń tótenshe jaǵdaılar basqarmasy málimdedi.
Qazirgi ýaqytta oqıǵa ornynda izdestirý-qutqarý jumystary júrgizilip jatyr. Sonymen qatar búlingen ınfraqurylymdy qalpyna keltirý jáne zardap shekken turǵyndardyń kúndelikti qajettilikterin qamtamasyz etý sharalary qolǵa alynǵan.
Buǵan deıin Qytaıdyń ońtústigindegi Gýansı-Chjýan avtonomııalyq aýdanyndaǵy Lıýchjoý qalasynda 5,2 baldyq jer silkinisi bolyp, eki adam qaza tapqanyn jazǵan bolatynbyz.
