Qytaıda Mıanmadan ekstradıtsııalanǵan 11 myńnan asa telefon alaıaǵy tergeýge alyndy
ASTANA. KAZINFORM — QHR Joǵarǵy halyq prokýratýrasy transshekaralyq kıberalaıaqtyqpen kúres jónindegi aýqymdy arnaıy operatsııanyń qorytyndysyn shyǵardy, dep habarlaıdy Kazinform agenttiginiń menshikti tilshisi.
2025 jyldyń 11 aıynda Mıanmanyń soltústik óńirlerinen ekstradıtsııalanǵan 11 myńnan astam azamatqa aıyp taǵyldy.
Vedomstvo málimetinshe, maqsatty operatsııalar aıasynda zańda belgilengen tártippen 4300-den astam negizgi kúdiktige qamaýǵa alý sanktsııasy berilgen. Aýqymdy is Mın, Baı, Veı jáne Lıý klandaryna qatysy bar iri qylmystyq sındıkattardyń qyzmetin qamtydy.
Qazirgi ýaqytta Mın jáne Baı toptaryna qatysty ister boıynsha sot úkimderi shyǵaryldy. 16 adam dereý oryndalatyn ólim jazasyna kesildi, taǵy 7 adamǵa eki jylǵa keıinge qaldyrylǵan ólim jazasy taǵaıyndaldy, al 16 sottalýshy ómir boıyna bas bostandyǵynan aıyryldy.
Sot protsesin quqyqtyq turǵydan súıemeldeýdi Chjetszıan, Gýandýn jáne Fýtszıan provıntsııalarynyń prokýrorlary QHR Joǵarǵy halyq prokýratýrasynyń tikeleı baqylaýy men basshylyǵy aıasynda qamtamasyz etti.
Buǵan deıin Qytaıda transulttyq uıymdasqan qylmystyq toptyń tórt basshysy ólim jazasyna kesilgeni habarlanǵan edi.