Qytaıda memlekettik qyzmetke qabyldaý jasy ulǵaıdy

ASTANA. KAZINFORM — Qytaı sońǵy onjydyqta birinshi ret memlekettik qyzmetke qabyldaý jasyn qaıta qarady, dep habarlaıdy Kazinform agenttigi China Daily basylymyna silteme jasap.

QHR Memlekettik qyzmet isteri jónindegi memlekettik basqarmasy 30 qarashada ótetin ulttyq emtıhanǵa ótinim qabyldaý aldynda jańa erejelerdi jarııalady.

Jańartylǵan talaptarǵa sáıkes, úmitkerlerdiń basym bóligi úshin eń joǵarǵy jas shegi 35 jastan 38 jasqa ulǵaıtyldy. Al magıstr nemese doktorant dárejesi bar azamattar úshin bul shek 40 jastan 43 jasqa deıin kóterildi.

2026 jyly Qytaıdyń ortalyq memlekettik organdaryna jáne olardyń baǵynyshty qurylymdaryna 38 100 memlekettik qyzmetker qabyldaý josparlanyp otyr. Bul ótken jylmen salystyrǵanda 1 602 adamǵa az, ári 2019 jyldan beri alǵashqy qysqarý.

Jas shekteýiniń ózgerýine qaramastan, bılik negizgi basymdyqty jastardy jumysqa ornalastyrýǵa berip otyr. Atap aıtqanda, shamamen 26 myń bos jumys orny sońǵy jyldary joǵary oqý ornyn bitirgen túlekterge arnalǵan.

Sarapshylardyń aıtýynsha, bul qadam Pekınniń zeınet jasyn birtindep arttyrý saıasatyna saı keledi.

Buryn deıin habarlaǵanymyzdaı, Qytaı bıýrokratııamen kúresý úshin jańa erejeler engizdi.