Qytaıda mektep janynda avtobýs oqýshylardy taptap ótken

ASTANA. KAZINFORM – Qytaıdyń shyǵysynda mektep qaqpasy janynda bolǵan jol-kólik oqıǵasynan keminde 10 bala japa shekti, dep habarlaıdy Xinhua aqparat agenttigi. 

Qytaıdyń shyǵysyndaǵy Shandýn provıntsııasyndaǵy Taıan qalasynda orta mekteptiń janynda avtobýs jol apatyna ushyraýy saldarynan 10-nan astam bala zardap shekken (qaza bolǵandary bar, biraq sany naqtylanbaǵan).

Oqıǵa seısenbi kúni tańǵy saǵat 07:00-de Taıan qalasyndaǵy jergilikti mektepterdiń biriniń janynda bolǵan. Oqýshylar mingen jaldamaly avtobýs jol jıegimen mektepke bara jatqan balalardy kenetten taptap ótken.

Kúrdeli jol apaty saldarynan onnan astam bala zardap shekti. Agenttik ázirge qaza tapqandar men zardap shekkender týraly naqty málimet bergen joq. Oqıǵanyń sebepteri naqtylanyp jatyr.