Qytaıda magnıtýdasy 5,1 bolatyn jer silkinisi tirkeldi
ASTANA. KAZINFORM – Qytaı aýmaǵynda 28 qazan kúni keshke magnıtýdasy 5,1 bolatyn jer silkinisi tirkeldi. Bul týraly Qazaqstannyń Ulttyq derekter ortalyǵy habarlady.
Qazaqstan Respýblıkasy Ulttyq ıadrolyq ortalyǵy Geofızıkalyq zertteýler ınstıtýty Derekter ortalyǵynyń jedel málimetine sáıkes, jer silkinisi Astana ýaqytymen saǵat 20:40-ta (Grınvıch ýaqyty boıynsha 15:40-ta) bolǵan.
Jer silkinisiniń epıtsentri soltústik endiktiń 44,39 gradýsy men shyǵys boılyqtyń 82,60 gradýsy aralyǵynda ornalasqan. Jer silkinisiniń magnıtýdasy – 5,1, energetıkalyq klasy – 11,9.
Aıta keteıik, buǵan deıin Qyrǵyzstan men Tájikstan shekarasynda magnıtýdasy 4,7 bolatyn jer silkinisi tirkelgen edi.
Al Qytaıdyń Tıbet aımaǵynda bolǵan jer silkinisinen 16 adam qaza tapty.
Sondaı-aq 24 óazan kúni Tynyq muhıtynda magnıtýdasy 7,2 bolatyn jer silkinisi tirkeldi.
