Qytaıda magnıtýdasy 4,1 bolatyn jer silkinisi tirkeldi
ASTANA. KAZINFORM – Qazaqstandyq seısmologtar Qytaı aýmaǵynda magnıtýdasy 4,1 bolatyn jer silkinisin tirkedi, dep habarlaıdy Qazaqstan ulttyq derekter ortalyǵy.
Jedel málimetke sáıkes, jer silkinisi 2026 jylǵy 5 tamyzda Astana ýaqytymen saǵat 03:43-te (4 tamyzda Grınvıch ýaqyty boıynsha 22:43) Qytaı aýmaǵynda bolǵan.
Jer silkinisiniń epıtsentri 41,19 gradýs soltústik endik pen 78,47 gradýs shyǵys boılyqta ornalasqan. Magnıtýdasy – mb=4,1, energetıkalyq klasy – K=9,4.
Aıta keteıik, buǵan deıin Ázerbaıjanda magnıtýdasy 3,2 bolatyn, Mysyrdyń soltústiginde jáne Jańa Zelandııa jaǵalaýynda magnıtýdasy 5,6 bolatyn jer silkinisteri tirkelgen.
