Qytaıda Іle Qazaq avtonomııaly oblysynyń 70 jyldyq mereıtoıy atalyp ótti

QULJA. KAZINFORM — Qytaıdaǵy Іle Qazaq avtonomııaly oblysy qurylýynyń 70 jyldyq mereıtoıy Qulja qalasynda saltanatty túrde atap ótildi.

ts.cn portalynyń habarlaýynsha, sharaǵa Búkilqytaılyq halyq ókilderi jınalysynyń turaqty komıssııasy jáne Qytaı memlekettik keńesi quttyqtaý hatyn joldady.

Qytaı ortalyq úkimet ókilderi jáne jergilikti basshylar sóz sóılep, Іle Qazaq avtonomııaly oblysynyń 70 jyldyq damý tarıhyn joǵary baǵalady.

Aıta keteıik, Іle Qazaq avtonomııalyq oblysy Qytaıdaǵy birden bir orynbasar ólke dárejeli avtonomııalyq oblys. Qazirgi oblys ákimi Ershat Tursynbaıuly.

Ákimshilik aýdany 278,851 sharshy shaqyrym, Altaı aımaǵy (ortalyǵy Altaı qalasy), Іle aımaǵy, Tarbaǵataı aımaǵy ortalyǵy (Sháýeshek qalasy) syndy 3 aımaq, 22 aýdannan quralady. Avtonomııalyq oblysynda 17 ult ókilderi ómir súredi, Qytaı halqy shamamen 35%, al qazaq halqy shamamen 22% quraıdy.

Іle Qazaq avtonomııalyq oblysy Qazaqstannyń Almaty, Shyǵys Qazaqstan oblystarymen shekaralasyp, 6 keden beketi qyzmet atqarady.