Labubu oıynshyǵy týraly anımatsııalyq fılm túsiriledi

ASTANA. KAZINFORM — Pop Mart jáne Sony Pictures Entertainment álemge tanymal bolǵan tanymal jumsaq oıynshyq Labubu basty keıipker bolatyn anımatsııalyq fılmdi birlesip túsirý josparyn jarııalady, dep habarlaıdy Sınhýa.

Qazirgi ýaqytta fılm ázirleýdiń bastapqy kezeńinde. Baspasóz habarlamasyna sáıkes, jobada Labubu-dyń qııal-ǵajaıyp álemin úlken ekranǵa shyǵarý úshin túsirilim men kompıýterlik grafıka úılestiriledi. Bul týraly beısenbi kúni dızaınerlik kollektsııalyq ónimder men pop-mádenıet ındýstrııasyndaǵy jetekshi kompanııalardyń biri Pop Mart málimdedi.

Anımatsııalyq fılmniń prodıýseri ári rejısseri retinde «Paddıngton», «Paddıngton 2» jáne «Vonka» fılmderimen tanymal Pol Kıng bekitildi. Bul týraly bas keńsesi Beıjińde ornalasqan qytaılyq kompanııa habarlady.

BAFTA syılyǵyna usynylǵan rejısser fılmniń stsenarııin marapattarǵa ıe stsenarıst ári dramatýrg Stıven Levensonmen birge jazady. Onyń belgili jumystarynyń qatarynda «Qymbatty Evan Hansen» (Dear Evan Hansen) bar.

Sondaı-aq aqparatqa sáıkes, fılmniń atqarýshy prodıýseri bolyp dızaıner Kasıng Lýng taǵaıyndaldy.

Pop Mart kompanııasynyń málimetinshe, Pop Mart pen Sony Pictures Entertainment arasyndaǵy bul yntymaqtastyq «The Monsters» serııasyn kollektsııalyq álemnen úlken ekranǵa shyǵarýdaǵy mańyzdy kezeń sanalady.

Osyǵan deıin AQSh-tyń Tutyný ónimderiniń qaýipsizdigi jónindegi komıssııasy (CPSC) jas balalarǵa úlken qaýip tóndiretin Labýbý oıynshyqtary týraly eskertý jasady.

Álem boıynsha bir jylda 100 mln-nan astam Labubu oıynshyǵy satylǵany belgili boldy.

Budan bólek qytaılyq oıynshyq óndirýshi Labubu-dyń naryqtaǵy quny «Gazpromnan» asyp túskeni anyqtaldy.