Qytaıda Quryltaı saılaýynyń ýchaskeleri ashyldy
ASTANA. KAZINFORM — Quryltaı saılaýynda daýys berýge arnalǵan ýchaskeler Qazaqstannyń Beıjińdegi elshiliginde, sondaı-aq Shanhaı, Sıan jáne Gonkongtaǵy QR bas konsýldyqtarynda ashyldy, dep habarlaıdy Kazinform agenttiginiń Beıjińdegi menshikti tilshisi.
Beıjiń ýaqyty boıynsha saǵat 07:00–de saılaý komıssııalarynyń músheleri Qazaqstan Respýblıkasynyń Memlekettik Ánuranyn oryndap, saılaý ýchaskeleriniń jumysyn saltanatty túrde bastady.
Qytaıdyń tórt qalasynda daýys berý Astana ýaqytymen saǵat 04:00–den 17:00–ge deıin, al Beıjiń ýaqytymen 07:00–den 20:00–ge deıin ótedi. Daýystardy sanaý jáne daýys berý qorytyndylary týraly hattama jasaý jergilikti ýaqyt boıynsha saǵat 20:00–de bastalady.
Daýys berýge Qytaı aýmaǵynda turatyn nemese ýaqytsha júrgen Qazaqstan azamattary qatysa alady.
Eske salsaq, bıyl 1 shildede Memleket basshysy «Qazaqstan Respýblıkasy Quryltaıynyń saılaýyn taǵaıyndaý týraly» Jarlyqqa qol qoıdy.
QR Ortalyq saılaý komıssııasy Quryltaı saılaýyna qatysatyn 7 saıası partııanyń tizimderin tirkedi. 145 depýtattyq mandatqa 545 kandıdat úmitker bolyp otyr.
