Qytaıda quramynda germanıı mólsheri joǵary jańa mıneral tabyldy
ASTANA. KAZINFORM — Qytaı ǵalymdary quramyndaǵy germanıı oksıdiniń ortasha mólsheri 72 paıyzǵa jetetin jańa mıneral tapty. Ol Qytaıda anyqtalǵan ári Halyqaralyq mıneralogııalyq qaýymdastyq resmı túrde moıyndaǵan alǵashqy derbes germanat mıneraly boldy, dep habarlaıdy BelTA.
Jańalyqtyń basty ereksheligi — germanııdiń mıneral quramynda derbes túrde kezdesýi. Tabıǵatta mundaı metall sırek kezdesedi jáne ádette qorǵasyn-myrysh kenderi men kómir ken oryndarynda ilespe element retinde bolady.
Germanıı — strategııalyq mańyzy bar sırek metall. Ol jartylaı ótkizgishter, talshyqty-optıkalyq júıeler, ınfraqyzyl optıka, kún elementteri jáne basqa da joǵary tehnologııalyq ónimder óndirisinde qoldanylady.
Jańa mıneraldy Chanan ýnıversıtetiniń mamandary Qytaı ǵylym akademııasynyń Gýanchjoý geohımııa ınstıtýty, Geohımııa ınstıtýty jáne basqa da ǵylymı uıymdardyń zertteýshilerimen birlesip anyqtaǵan. Ǵalymdar 2023 jyldan bastap Qytaıdyń Sychýan provıntsııasyndaǵy Ýsyhe qorǵasyn-myrysh ken ornynda júıeli mıneralogııalyq zertteýler júrgizgen.
2026 jylǵy tamyzda jańa mıneral Halyqaralyq mıneralogııalyq qaýymdastyqtyń Jańa mıneraldar, nomenklatýra jáne jikteý jónindegi komıssııasy tarapynan resmı túrde maquldandy.
Buǵan deıin Botsvanada salmaǵy 1305 karat bolatyn sırek almas tabyldy.
