Qytaıda kóshkinnen keıin iz-túzsiz ketkenderdiń bári óldige sanaldy

ASTANA. KAZINFORM — Qytaıdyń ıÝnnan provıntsııasynda tabıǵı apat saldarynan qaza tapqandardyń jalpy sany 44 adamǵa jetti, dep habarlaıdy Sınhýa aqparat agenttigi. 

Beısenbi saǵat 20:04-tegi jaǵdaı boıynsha Qytaıdyń ońtústik-batysyndaǵy ıÝnnan provıntsııasynda 22 qańtarda taýdaǵy kentti basyp qalǵan kóshkinnen iz-túzsiz joǵalǵandardyń bári qaza tapqan dep tanyldy.

Dúısenbi kúni tańǵy 6:00 shamasynda Chjaotýn qalasyna qarasty Chjensıýn ýezindegi Lıanshýı kentinde kóshkin júrdi.

"Oqıǵa ornynda izdestirý-qutqarý jumystary negizinen aıaqtaldy" dep habarlady apattan zardap shekkenderge kómek kórsetý jónindegi jergilikti shtab beısenbi kúni ótken brıfıngte.

Chjensıýn ýeziniń basshysy ıAn Sıýchýnniń málimdeýinshe, kóshkinnen keıin 223 úıden barlyǵy 918 adam basqa aımaqtarǵa evakýatsııalanǵan.

Ol qalada halyqty alty aıǵa kóshirý sharalary qabyldanǵanyn, tabıǵı apattan keıin ınfraqurylymdy qalpyna keltirý jáne qaıta qurý jospary ázirlenip jatqanyn atap ótti.

Jergilikti bılik tabıǵı apattardyń qaıtalanýyn aldyn alý úshin monıtorıng pen erte eskertý jumystaryn da kúsheıtpek.