Qytaıda kómir býnkerinde jeti adam qaza tapty

ASTANA. KAZINFORM — Qytaıdyń soltústigindegi Shansı provıntsııasynda jerasty kómir býnkeri opyrylyp, astynda qalyp qoıǵan jeti kenshi qaza tapty. Bul týraly Sınhýa agenttigi habar taratty.

Provıntsııa úkimetiniń habarlaýynsha, sońǵy qurbannyń máıiti 06:23-te tabyldy, bul Chjýnıan ýezindegi kómir ónerkásiptik korporatsııasynyń kómir kenishindegi izdeý-qutqarý jumystarynyń aıaqtalǵanyn bildiredi.

— Qaıǵyly oqıǵa dúısenbi kúni saǵat 22:45 kezinde kómir shahtasynda isten shyqqan qurylǵyǵa tehnıkalyq qyzmet kórsetý kezinde boldy, nátıjesinde jeti kenshi úıindi astynda qalyp qoıdy. Qulaǵan kómir qoımanyń astyndaǵy sý qubyrlaryn zaqymdap, saldarynan sý atqylap, qutqarý jumystaryn qıyndatty, - dedi shahta meńgerýshisi Gao Naıchýn.