Qytaıda qyzýǵa óte tózimdi mıkrobatareıanyń jańa býyny ázirlendi
ASTANA. KAZINFORM — Qytaı ǵalymdary 150 gradýs Tselsııge deıingi temperatýrada turaqty jumys isteı alatyn keramıka negizindegi shaǵyn lıtıı-ıondy batareıa jasady, dep habarlaıdy South China Morning Post.
Tsınhýa ýnıversıteti bastaǵan zertteý toby tolyǵymen keramıkalyq batareıanyń yqsham ólshemi, joǵary energııa tyǵyzdyǵy jáne absolıýtti qaýipsizdigi ony kelesi býyn tehnologııalaryna biriktirýdi jeńildetetinin atap ótti.
Janýǵa beıim dástúrli lıtıı-ıondy batareıalardan aıyrmashylyǵy qaıta zarıadtalatyn qatty deneli batareıa qatty qyzýǵa óte tózimdi. Ol tehnıkalyq sıpattamalaryn nasharlatpastan 300 gradýs Tselsııge deıingi qysqa merzimdi termııalyq soqqylarǵa tótep bere alady.
Ázirleýshilerdiń aıtýynsha, dástúrli lıtıı-ıondy batareıalar endi zamanaýı qaýipsizdik jáne termııalyq turaqtylyq standarttaryna sáıkes kelmeıdi. Olardyń negizgi kemshiligi joǵary janǵyshtyq bolyp qala beredi. Qatty qyzǵan nemese zaqymdalǵan kezdesuıyq elektrolıtter ońaı tutanýy nemese jarylýy múmkin.
Joba avtorlarynyń atap ótýinshe, olardyń ınnovatsııasy tolyǵymen qatty denedegi qýat kózderin kommertsııalandyrýdy jedeldetý úshin aıtarlyqtaı áleýetke ıe jáne shaǵyn, tasymaldanatyn jáne ıntegratsııalanǵan mıkroelektronıkada qoldaný úshin úlken múmkindikter ashady.
Osyǵan deıin Qytaı kádimgi smartfon arqyly alǵashqy spýtnıktik qońyraý jasaǵany habarlandy.
