Qytaıda Qazaqstannyń energetıkalyq hab retindegi múmkindikteri talqylandy

ASTANA. KAZINFORM – Vıtse-mınıstr Baqytjan Іlıas QHR-dyń jetekshi energetıkalyq korporatsııalary – China Southern Power Grid, Huawei, Power China, China Datang jáne basqa da kompanııalarmen kezdesip, energetıkalyq ótpeli kezeńniń ónerkásiptik saıasatyn eskere otyryp, Qazaqstanda ınvestıtsııalyq jobalardy iske asyrý múmkindikterin talqylady 

2025 jylǵy 2–7 maýsym aralyǵynda Qytaı Halyq Respýblıkasynyń (QHR) Beıjiń qalasynda Qazaqstan Respýblıkasynyń Qytaıdaǵy elshiliginiń qoldaýymen Qazaqstan Respýblıkasy Energetıka mınıstrliginiń delegatsııasy vıtse-mınıstr Baqytjan Іlıas bastaǵan qurammen «Qazaqstan – energetıkalyq ótpeli kezeńniń óndiristik haby» taqyrybynda roýd-shoý ótkizdi.

Roýd-shoý aıasynda Energetıka mınıstrliginiń ókilderi Qazaqstan energetıka salasynyń negizgi damý baǵyttary týraly aqparat berdi.

Prezentatsııalyq sessııanyń sońynda vıtse-mınıstr QHR-dyń energetıkalyq kompanııalarymen dóńgelek ústel formatynda kezdesý ótkizip, birqatar bastamany, sonyń ishinde salalyq tehnologııalyq quzyretter ortalyǵyn birlesip damytý, arnaıy ekonomıkalyq aımaqtarda jabdyq óndirisin jergiliktendirý jáne energetıkalyq ótpeli kezeń úshin bilikti kadrlar daıarlaý máselelerin talqylady.

Sondaı-aq, sapar aıasynda vıtse-mınıstr Baqytjan Іlıas QHR-dyń jetekshi energetıkalyq korporatsııalary – China Southern Power Grid, Huawei, Power China, China Datang jáne basqa da kompanııalarmen kezdesip, energetıkalyq ótpeli kezeńniń ónerkásiptik saıasatyn eskere otyryp, Qazaqstanda ınvestıtsııalyq jobalardy iske asyrý múmkindikterin talqylady.

Kezdesýler qorytyndysy boıynsha taraptar naqty jobalardy pysyqtap, yntymaqtastyqty odan ári damytýǵa daıyn ekendikterin bildirdi. Sonymen qatar, 16–17 maýsym kúnderi Astana qalasynda ótetin «Ortalyq Azııa – Qytaı» sammıti aıasynda tıisti qujattarǵa qol qoıý múmkindigi qarastyryldy.

Aıta ketelik Qytaıdan satyp alynǵan taýarlar qazaqstandyqtarǵa qalaı jetkiziletini týraly jazǵan edik.