Qytaıda qazaqstandyq Silk Way Star jobasynyń ánurany oryndaldy
ASTANA. KAZINFORM — Qazaqstandyq ánshi Rýhııa Baıdúkenova men Silk Way Star halyqaralyq mýzykalyq jobasynyń qatysýshysy, qytaılyq ánshi Chjan He Sýnan Chýntsındegi V medıaınnovatsııalar forýmynda Silk Way Star ánuranyn tanystyrdy, dep habarlaıdy Kazinform tilshisi.
Forým qatysýshylarynyń ystyq yqylasyna bólengen ándi qazaqstandyq kompozıtor Hamıt Shańǵalıev jazǵan.
Silk Way Star ánuranynyń oryndalýy forýmnyń mádenı baǵdarlamasyndaǵy jarqyn sátterdiń birine aınalyp, Qazaqstannyń Uly Jibek joly keńistigindegi halyqaralyq gýmanıtarlyq jáne medıa yntymaqtastyqty damytýdaǵy mańyzdy rólin aıqyndaı tústi.
Eske salsaq, Silk Way Star jobasy Qazaqstan Respýblıkasy Prezıdenti Teleradıokesheni men qytaılyq China Media Group (CMG) medıakorporatsııasy arasyndaǵy kelisim aıasynda júzege asyryldy.
Silk Way Star baıqaýynyń Grand-fınaly alǵash ret 2025 jyly Astanada ótkizilip, tikeleı efırde birden alty tilde kórsetildi.
Baıqaýdyń barlyq 10 shyǵarylymy Jibek Joly jáne Silk Way telearnalarynda kórsetildi.
