Qytaıda qazaq qolóner sheberlerine qandaı qoldaý bar
Qytaıdyń Kóktoǵaı aýdanynda óz sheberhanasyn ashyp, kásibin dóńgelentip otyrǵan qazaq qolónershileri barshylyq. Sonyń biri — Kúlııa Imanbek, dep habarlaıdy Kazinform.
Kóktoǵaı aýdanyndaǵy áıelder qaýymdastyǵynyń múshesi, Sınzıan qazaq mádenı ortalyǵynyń ókili, «Mura» saýda kompanııasynyń basshysy Kúlııa Imanbek — ulttyq qolónerdi álemdik deńgeıge shyǵaryp júrgen sheberdiń biri.
«Qazaq qolóneri — óziniń kórkemdik mán-maǵynasymen, halqymyzdyń ǵasyrlar talǵamyna ótken asyl qazynasy. Men ismerlikke kishkentaıymnan qushtar bolyp óstim. Quraq quraý, keste tigý, syrmaq syrý, órnek oıý óneri maǵan anamnan daryǵan», — deıdi Kúlııa Imanbek.
Aıtýynsha, Qytaı elinde mádenıet salasyna erekshe kóńil bólinedi. Ásirese qazaqtyń ulttyq qolónerine qamqorlyq barshylyq.
«Óner — taýsylmas qazyna, jutamas baılyq. Kóktoǵaı aýdanynda qolóner sheberleri óte kóp. Mine, sondaı qolónershilerge úkimetten qoldaý kórsetiledi. ıAǵnı, bekzattyq mura dep joǵary baǵalaıdy. Kásibińdi damytýǵa, osy ónerge basqalardy baýlýǵa jáne oqý kýrsyn ashýǵa qarjylaı kómek beriledi. Men sondaı-aq demeýshiliktiń arqasynda 100-ge tarta qyz-kelinshekti jumyspen qamtyp otyrmyn», -deıdi ol.
Kúlııa Imanbek oıý-órnek qazaq mádenıetiniń shejiresi ekenin atap ótti.
«Oıý qoshqar múıizdiń elementterinen quralady. Al órnek erkin jáne sheksiz syzyla beredi. ıAǵnı, oıý-órnektiń basy men aıaǵy joq. Ol — sheksiz. Sulýlyq, mahabbat, tazalyq pen ǵashyqtyq jıyntyǵy. Oıý oıǵan adamnyń júregi taza, názik, jyly bolady», -dep atap ótti sheber.
