Qytaıda qarttar úıindegi órtten 20 adam mert boldy

ASTANA. KAZINFORM – Qytaıdyń soltústigindegi Hebeı provıntsııasynda qarttar úıindegi órt 20 adamnyń ómirin qıdy. Bul týraly Qytaıdyń ortalyq telearnasy habarlady, dep jazady Kazinform menshikti tilshisi.

Habarlamaǵa sáıkes, órt 8 sáýir kúni jergilikti ýaqyt boıynsha keshki saǵat 21:00 shamasynda Hebeı provıntsııasynyń Chende qalasy Lonhýa ýezindegi qarttar úıinde bolǵan. 

Aldyn ala málimette, 9 sáýir kúni saǵat 03:00-degi jaǵdaı boıynsha órt saldarynan barlyǵy 20 adam qaza tapqan. 

Qazirgi ýaqytta qarttar úıinde jatqan qalǵan egde jastaǵy adamdar ári qaraı em alý úshin jaqyn mańdaǵy aýrýhanaǵa aýystyryldy. 

Tótenshe jaǵdaı oryn alǵan jerge qutqarý-qalpyna keltirý jumystaryn júrgizý úshin sarapshylar toby jiberildi. Órttiń shyǵý sebebi anyqtalyp jatyr.

Aıta keteıik, Nepalda orman órti órship tur.