Qytaıda qansha adamnyń joǵary bilimi bar
ASTANA. KAZINFORM — Qytaıda joǵary bilimi bar adamdar sany 270 mıllıonǵa jetti. Bul týraly sársenbi kúni ótken baspasóz máslıhatynda Qytaıdyń Bilim mınıstriniń orynbasary Van Gýanıan málimdedi, dep jazady Sınhýa.
Mınıstr orynbasarynyń aıtýynsha, eldegi mektepke deıingi bilimmen qamtýdyń jalpy koeffıtsıenti 92,9 paıyzǵa jetken. Al toǵyz jyldyq mindetti bilim berý júıesinde oqýdy jalǵastyrý kórsetkishi 96,1 paıyzdy qurady.
Sonymen qatar joǵary synyptarǵa qabyldaý kórsetkishi 92 paıyzǵa jetti.
Qytaı Bilim mınıstrliginiń Damý josparlaý departamentiniń basshysy Go Penniń aıtýynsha, «Qos birinshi synyp» («Double First-Class») bastamasy aıasynda ýnıversıtetter 2027-2030 jyldary stýdentter qabyldaý sanyn 76 myń adamǵa arttyrady.
Bul bastama aıasynda álemdik deńgeıge shyǵýǵa áleýeti bar tańdalǵan ýnıversıtetter men akademııalyq baǵyttarǵa qoldaý kórsetiledi.
Osyǵan deıin Qytaı ashyq teńizde álemdegi alǵashqy sý asty kún batareıalaryn synaqtan ótkizgenin jazǵanbyz.
