Qytaıda qalyń tumanǵa baılanysty «sary» deńgeıli eskertý jarııalandy
ASTANA. KAZINFORM — Qytaıdyń meteorologııalyq qyzmeti sársenbi kúni eldiń keıbir aımaqtarynda qalyń tumanǵa baılanysty «sary» deńgeıli eskertý jarııa etti, dep habarlaıdy Sınhýa.
Ulttyq meteorologııalyq ortalyq (UMO) málimetine qaraǵanda, sársenbi kúni tańerteńnen túske deıin Shandýn, Anhoı, Tszıansý, Chjetszıan, Tszıansı, Hýnan jáne Gýıchjoý provıntsııalaryn qalyń tuman basady.
Anhoı, Hýnan jáne Gýıchjoý provıntsııalarynda tuman saldarynan kóriný qashyqtyǵy 200 metrge deıin tómendeýi múmkin.
Jol kóliginiń júrgizýshilerine qaýipsizdik maqsatynda jyldamdyqty baqylaýǵa keńes beriledi. Áýejaılarǵa, avtojoldar ákimshilikterine tıisti qaýipsizdik sharalaryn qabyldaý tapsyryldy.
Aıta keteıik, Qytaıda qalyń tumanǵa arnalǵan úsh deńgeıli eskertý júıesi bar: eń joǵary qaýipti «qyzyl» deńgeı bolsa, odan keıin «sary» jáne «qyzǵylt-sary» deńgeıleri jalǵastyrady.
Budan buryn Qytaıda kópfýnktsııaly avtobýstardyń tanymaldyǵy artyp kele jatqanyn jazǵan edik.
