Qytaıda ınternet paıdalanýshylar sany 1,1 mıllıardtan asty
ASTANA. KAZINFORM — Salalyq esepke sáıkes, 2025 jyldyń sońyna qaraı Qytaıda ınternet paıdalanýshylar sany 1,125 mıllıardqa jetip, ınternettiń ený deńgeıi 80,1 paıyzdy qurady, dep habarlaıdy Sınhýa.
Beısenbi kúni Qytaıdyń Internet jelisi aqparat ortalyǵy jarııalaǵan esepte eldiń tutyný jáne óndiristik sektorlarynda jasandy ıntellekt tehnologııalarynyń keńinen engizilip jatqany atap ótilgen.
Qazirgi tańda Qytaıda generatıvti jasandy ıntellektini 602 mıllıon adam qoldanady.
Esep derekterine sáıkes, 2021–2025 jyldar aralyǵynda Qytaıdyń ınternet sektory aıtarlyqtaı ilgerileýge qol jetkizgen.
Bul ósim ınternet qamtý aıasyn keńeıtý, tehnologııalardy tereńirek qoldaný jáne ınnovatsııalyq sheshimderdi jetildirý arqyly kórinis tapqan.
Buǵan deıin Qytaıda Mıanmadan ekstradıtsııalanǵan 11 myńnan asa telefon alaıaǵy tergeýge alynǵany belgili boldy.
Sonymen qatar, Tájikstanda Starlink spýtnıktik baılanys júıesi resmı túrde iske qosylǵany aıtyldy.