Qytaıda hokkeı sportynyń deńgeıi ósip keledi – Samat Danııar

HARBIN. KAZINFORM – Hokkeıden Qazaqstan erler quramasynyń oıynshysy Qytaıdyń Harbın qalasynada ótip jatqan ІH qysqy Azııa oıyndarynyń jartylaı fınaldyq oıynynan keıin Kazinform tilshisine Qytaı quramasymen bolǵan oıyn týraly pikirin bildirdi.

Qazaqstandyq qorǵaýshy oıyn oıdaǵydaı ótkenin aıtty. 

– Oıyn jaqsy ótti. Biz kóp ýaqyt esep asha almadyq. Ekinshi kezeń biz úshin sátti boldy. Sebebi, biz olardyń osal tustaryn taýyp, shaıba soǵa bildik. Sońǵy kezeńde biz senimdi jeńiske qol jetkizdik, - dedi ol. 

Sonymen qatar sportshy jartylaı fınaldyq oıyn toptyq kezeńge qaraǵanda basqasha ekenin jasyrmady. 

– Bul – jartylaı fınaldyq oıyn. Barlyǵy jeńis úshin, fınalǵa joldama alý úshin kúresedi. Sol sebepti bári basqasha ótti. Olarǵa múmkindik berip qoıǵanymyzǵa qaramastan, biz jeńiske jettik, - dedi Samat. 

Qazaqstandyq hokkeıshi Qytaıda atalǵan sport túriniń jaqsy damyp kele jatqanyna toqtaldy. 

– Biz osyǵan deıin birneshe márte kezdestik. Árıne, Qytaı quramasynyń deńgeıi jyl sanap ósip kele jatyr. Alaıda, bizde bir orynda turǵan joqpyz. Sol sebepti, alda taǵy olarmen qyzyqty oıyndar bolady dep oılaımyn, - deıdi Samat Danııar. 

Aıta kteteıik, Harbınde ótip jatqan qysqy Azııa oıyndarynyń hokkeıden erler arasyndaǵy jartylaı fınaldyq oıyndar búgin bastaldy. Qazaqstan quramasy qytaılyqtardy 3:1 esebimen jarys jolynan taıdyrdy. 

Buǵan deıin, qazaqstandyqtar toptyq kezeńde Qytaı quramasyn 6:1 esebimen jeńgen bolatyn.