Qytaıda HІІ Dúnıejúzilik oıyndar ótedi

ASTANA. KAZINFORM – HІІ Dúnıejúzilik oıyndar osy jyldyń tamyz aıynda Qytaıdyń Chendý qalasynda ótedi.

theworldgames2025.com saıtynyń habarlaýynsha, 7-17 tamyz aralyǵynda Qytaıda ótetin HІІ Dúnıejúzilik oıyndarynda olımpıadalyq emes sporttyń 35 túrinen júldeler sarapqa salynyp, álemniń 72 el/aımaǵynan 5 myńnan asa sportshylar qatysady dep josparlanýda.

Dúnıejúzilik oıyndar – 1981 jyly alǵash ret ótkiziletin halyqaralyq sporttyq jarys. Ár 4 jyl saıyn Olımpıada oıyndarynan keıin ótkiziletin jarysta sportshylar negizinen olımpıadalyq emes sport túrlerinen ózara myqtyny anyqtaıdy. Baıraqty básekeni Halyqaralyq Dúnıejúzilik oıyndar Assotsıatsııasy (IWGA) ótkizedi.

Aıta keterligi, jaǵajaı voleıboly, badmınton, áıelder arasyndaǵy aýyr atletıka, batýt, trıatlon, taekvondo jáne basqa da sport túrleri Olımpıada oıyndaryna engizilgenge deıin Dúnıejúzilik oıyndardyń sporttyq jarystary bolǵan.

Sonymen qatar, Halyqaralyq Olımpıada komıteti Halyqaralyq Dúnıejúzilik oıyndar qaýymdastyǵyn moıyndaıdy jáne Dúnıejúzilik oıyndardy resmı qarjylandyrýdy qamtamasyz etedi.

Osyǵan deıin habarlaǵanymyzdaı, Short-trekten Qazaqstan quramasynyń bas bapkeri Petr Gamıdov Beıjińde (Qytaı) 2025 jyly ótetin álem chempıonatynda el namysyn qorǵaıtyn sportshylardyń esimin atady.