Qytaıda gýmanoıd robottardyń marafonyna 70-ten astam komanda daıyndalyp jatyr

Jarystyń maqsaty — gýmanoıd mashınalardy naqty jaǵdaılarda synaý.

Gýmanoıd robottar Qytaıdaǵy ekinshi jartylaı marafonǵa qatysýǵa daıyndalyp jatyr.

Beıjiń qalasynda 70-ten astam komanda túngi synaq júgirýine qatysyp, resmı start aldynda E-Town damý aımaǵynda robottaryn tolyq 21 shaqyrymdyq qashyqtyqqa shyǵardy.

Synaq barysynda resmı jarystyń negizgi elementteri — marshrýt boıynsha baǵdarlaý, jabdyqtardy úılestirý jáne tótenshe jaǵdaılarǵa áreket etý pysyqtaldy. Uıymdastyrýshylar negizgi jarysty 19 sáýirge josparlap otyr.

Qazirgi tańda komandalardyń shamamen 40%-y tolyq avtonomdy navıgatsııany qoldanady. Qytaı elektronıka ınstıtýty ókili Lıan Lıannyń aıtýynsha, bul robottar úshin tapsyrmany edáýir kúrdelendiredi.

Bıyl jańa nomınatsııalar engizildi, sonyń ishinde tózimdilik pen márege jetkeni úshin beriletin marapattar bar. Bul maqsattyń ózi ońaı emes: ótken jylǵy alǵashqy jarysta startqa shyqqan 21 robottyń tek altaýy ǵana márege jetken.

Kóptegen komanda úshin bul shara tek jarys emes, tájirıbe alańy boldy. Qytaı aýyl sharýashylyǵy ýnıversıteti ókili ıAn Kechannyń aıtýynsha, olardyń roboty sol kúni saǵat 13:00-de ǵana qurastyrylyp, birden jarysqa qosylǵan. Onyń pikirinshe, qashyqtyqty tolyq eńserý — óz aldyna úlken jetistik.

Jarys barysynda qıyndyqtar da kezdesti: keıbir robottardyń býyndary qyzyp ketip, akkýmýlıator aýystyrý kezinde salqyndatýǵa týra kelgen. Degenmen, algorıtmderdi jetildirý arqyly nátıjeni jaqsartýǵa bolady.

Basqa robottar da qıyndyqtarǵa tap boldy. Genisom AI kompanııasynyń ókili Sıýı Bo olardyń 1,3 metrlik roboty qozǵaltqyshtardyń qyzyp ketýi men batareıanyń tez taýsylýy sııaqty máselelerge ushyraǵanyn aıtty.

Ótken jylmen salystyrǵanda jarysqa qyzyǵýshylyq aıtarlyqtaı artqan: komandalar sany shamamen bes ese kóbeıgen.

Aıta ketelik Qytaıda gýmanoıd robottar elektromobıl qurastyrý jelisinde jumys isteı bastady.