Qytaıda generatıvti JI-di paıdalanýshylarynyń sany 515 mln-ǵa jetti

ASTANA. KAZINFORM — Qytaı ınternet-aqparat ortalyǵynyń esebine sáıkes, 2025 jyldyń maýsym aıyndaǵy jaǵdaı boıynsha bul kórsetkish 2024 jyldyń sońymen salystyrǵanda eki esege jýyq ósti, dep habarlaıdy Sınhýa. 

Ósim 266 mln adam boldy, al JI tehnologııalarynyń enýi 36,5%-ǵa jetti.

Jasandy ıntellektige jas jáne bilimdi azamattar kóbirek qyzyǵýshylyq tanytyp otyr. 40 jasqa deıingi paıdalanýshylar úlesi 74,6%, al 37,5%-ynyń joǵary bilimi bar.

Ortalyq dırektory Lıý ıÝılınniń aıtýynsha, jasandy ıntellekt qazirdiń ózinde zerthanalyq tujyrymdamadan júzdegen mıllıon adamǵa qyzmet kórsetetin jetilgen qyzmetke aınaldy. Onyń atap ótýinshe, paıdalanýshylar sanynyń kúrt artýy JI-dy búkil el boıynsha synaqtyq paıdalanýdan kúndelikti qoldanýǵa aýysýdy kórsetip otyr.

Generatıvti JI-dyń otandyq úlgileri qytaılyq paıdalanýshylar arasynda tanymal boldy. Olar aqparatty ıntellektýaldy izdegende, tsıfrlyq kontent jasaǵanda, keńse jumysyn avtomattandyrýda jáne «aqyldy» qurylǵylardy basqarý kezinde keńinen qoldanylyp otyr. 

Baıandamada sondaı-aq Qytaıdyń jahandyq JI naryǵyna yqpaly artyp kele jatqany atap ótildi. 2025 jyldyń sáýirindegi jaǵdaı boıynsha Qytaıda JI-ǵa qatysty patentke 1,576 mln ótinim berildi, bul jahandyq jalpy kólemniń 38,58%-yn jáne álemdegi eń joǵary kórsetkishti quraıdy.

Buǵan deıin Qytaı tótenshe jaǵdaılar salasyna JI engizgenin jazǵan bolatynbyz.