Qytaıda feıerverk fabrıkasyndaǵy jarylystan 21 adam qaza taýyp, 61 adam zardap shekti
ASTANA. KAZINFORM — Qytaıdyń ortalyq bóliginde feıerverk óndiretin fabrıkada jarylys boldy, dep habarlaıdy Sınhýa.
Jergilikti tótenshe jaǵdaılar qyzmetiniń málimetinshe, 21 adam qaza taýyp, taǵy 61 adam jaraqat alǵan.
Oqıǵa dúısenbi kúni shamamen saǵat 16:43-te Hýnan provıntsııasynyń ákimshilik ortalyǵy Chansha qalasyna qarasty ýezdik deńgeıdegi Lıýıan qalasyndaǵy kásiporynda bolǵan.
Oqıǵa ornyna jedel túrde órt sóndirýshiler men qutqarý qyzmetteri jetti. Іzdeý-qutqarý jumystary jalǵasyp jatyr.
Budan buryn habarlanǵandaı, Qytaıda aldaǵy on jylda 60 jastan asqan adamdar sany 400 mıllıonnan asady dep kútiledi. Osyǵan baılanysty el bıligi halyqtyń qartaıýy máselesin sheshý sharalaryn kúsheıtip jatyr.
