Qytaıda esirtki kontrabandasymen aınalysqan Frantsııa azamaty ólim jazasyna kesildi
ASTANA.KAZINFORM - Gýanchjoýda 62 jastaǵy Frantsııa azamaty Chan Tao Fýmıge ólim jazasy kesildi, dep habarlaıdy Kazinform agenttiginiń Beıjińdegi tilshisi.
Ol 2005 jyly taǵy basqa 89 kúdiktimen birge tutqyndalǵan. Bastapqyda sot ony ómir boıyna bas bostandyǵynan aıyrý jazasyna kesken, biraq 2010 jyly jańa mán-jaılar anyqtalǵannan keıin jaza qaıta qaralyp, ólim jazasyna aýystyrylǵan.
Tergeý málimetteri boıynsha, sottalǵan adam iri kólemde esirtki óndirýmen, kontrabandalyq jolmen tasymaldaýmen jáne taratýmen aınalysatyn qylmystyq jeliniń quramynda bolǵan. Birneshe jyl ishinde segiz tonnadan astam geroın men metamfetamın óndirip, satqan.
Frantsııadaǵy Qytaı elshiligi ólim jazasyna qatysty resmı málimdeme jasady. Málimdemede esirtki qylmysymen kúres barlyq elderdiń ortaq mindeti ekeni atalyp ótken.
- Qytaı – quqyqtyq memleket jáne barlyq aıyptalýshylarǵa, olardyń azamattyǵyna qaramastan, teń qaraıdy, isterdi qatań zańǵa sáıkes jáne ádildik turǵysynan qaraıdy, barlyq taraptardyń zańdy quqyqtary men tıisti qarym-qatynasyn qamtamasyz etedi, – delingen resmı habarlamada.
Buǵan deıin Qytaı Kanada azamatyna qatysty ólim jazasyn alyp tastaǵany habarlanǵan bolatyn.
